Login

Username:

Password:

Remember me



Lost Password?

Register now!

Online

Wellcome
Guests : 1
Members : 0
Total : 1
23.20.236.***

Вшытки новины > NEWS > Одышол Михал Габура (1928 – 2016)

Одышол Михал Габура (1928 – 2016)

Published by admin on 03-May-2016 22:00 (541 reads)
Одышол Михал Габура (1928 – 2016) – староста Лемківской Ватры на Чужыні. Вічна Йому Памят!

Click to see original Image in a new window


З жальом інформуєме, же 29. квітня/апріля 2016 рока вмер бл. п. Михал Габура – найстарший Лемко з Михалова та дотеперішній почесний староста Лемківской Ватры на Чужыні. Похоронны богослужыня одбудут ся 4. мая т.р., o 9.00 год., в православній церкви св. Михала Архангела в Михалові, а пак на цмонтери в Тшебніцах. Днес (03.05.2016) о 19.00 год. в михалівскым храмі буде служена панихіда.

Бл. п. Михал Габура народил ся в 1928 році, в славным селі Фльоринка на західній Лемковині. Коли в 1947 році зачало ся насильне выганяня Русинів з Лемковины, як більшіст Лемків нашол ся на Нижнім Шлеску. На чужыні, як вельо інчых Фльоринчан, был направлений до села Михалів к. Любіна, де прожывал такой ціле своє дальше жытя. Од початку был звязаний з лемківскыма справами, та коли в 80. рр. ХХ ст. родила ся в Михалові ідея Лемківской Ватры, все служыл помочом. Орґанізоторы споминают бл. п. Михала Габуру як сильного фізичні мужчыну, котрий што рока приходил на ватряне поле помагати рыхтувати михалівскє святo. Ціле своє жытя был заанґажуваний в церковне жытя михалівской громады, а коли михалівяне зачали будову храму в традицийным західньолемківскым стилю, міцно влучыл ся в поміч при будові церкви св. Михала.

Традиция михалівскых ватр бодай од початку становила, же ватру розпалял все найстарший Лемко, котрий прожывал в Михалові. Од парох років, коли старшы поколіня од бл. п. Михала Габуры одышли до вічности, припала му почесна функция розпаляти Лемківскы Ватры на Чужыні.

Послідній раз рідну Фльоринку одвиділ в 2009 році вчас посвячыня пропамятных крестів на тамтышніх цмонтерях. Як споминают його єдносельчане, бл. п. Михал Габура выказувал ся непересічным знаньом і памятю нт. Фльоринкы і єй істориі. Його смерт то дальша страта для Лемків, а точно михалівской громады, прото же одходит до вічности представник довоєнной ґенерациі Лемковины. Влони михалівяне пращали бл. п. Димитрия Дубця та Михала Романяка. Днес зо 165 осіб, выгнаных з Фльоринкы, а пак оселеных в Михалові остала ся лем жменька.

Вічна Йому Памят!

Click to see original Image in a new window


фот. Петро Кузяк; джерело: www.watramichalow.pl

Особа найстаршого Лемка з Михалова, старосты Лемківской Ватры на Чужыні є приведена в тексті Русины одшыли.

АВТОР Севериян Косовскій
ДАТА 03.05.2016

Navigate through the articles
Previous article Вышол новий номер «Бесіды»
Rating 0.00/5
Rating: 0.0/5 (0 votes)
Votes are disable!
 
The comments are owned by the author. We aren't responsible for their content.
Author Thread




Oferty pracy z Jooble ; Łemkowskie Archiwum Prasowe Lemko.pl