Стоваришыня Лемків оддало чест Покійному Богданови Ґамбальови. 2. липця 2025 р. выполнило ся 5 років од коли одышол до ліпшого Світа. 

В ден річниці квітя і світило памяти за Стоваришыня Лемків положыл Павел Стафиняк, член Кружка Стоваришыня Лемків в Любіні, до котрого перед роками належал Покійный Ґамбаль. Пару дни скорше, 27. червця на місци вічного спочываня присутный был Секретар Головного Заряду Стоваришыня Лемків, Севериян Косовскій. 

Богдан Ґамбаль (1965 – 2020) был єдным з членів-основателів нашой орґанізациі. Вічна Йому Памят!