28 квітня 1947 рока (был то понедільок) зачало ся примусове переселіня Лемків і Украінців на західні і пілнічны землі повоєнной Полщы на тзв. Землі Одзысканы – через Операцийну Ґрупу «Вісла». Выгнаня тото названо пак Акцийом Вісла.

Лемків переселено головні до товдышнів воєвідств: вроцлавского і познаньского (зеленогірского товды іщы не было). Операцийна Ґрупа «Вісла» рахувала бл. 20 тис. вояків, милициянтів і убеків, котрыма завідувал ґен. брыґ. Стефан Моссор.