Доступний єст найновший номер часопису «Бесіда» (но. 3 (150), май-червец 2016)
Доступний єст найновший номер часопису «Бесіда» (но. 3 (150), май-червец 2016), a в ним до прочытаня м.ін.:
> Богдан Ґамбаль, Акция Вісла;
> Наталія Малецка-Новак, Президент Анджей Дуда стрітил ся з представниками нацийональных меншын;
> Севериян Косовскій, Молодий Лемко фіналистом загальнопольской ґеоґрафічной олимпіяды;
> Наталія Малецка-Новак, Маґурич зачынат од Лемковины;
> Даміан Трохановскій, Новы власти Руской Бурсы,
> Валерій Падяк, Перестало битися сердце поета Володимира Танчинця;
> Даміан Трохановскій, Реляция з ІІ Надзвычайного Конґресу СЛ;
> Петро Трохановскій, Вислиця – трефна істория?
Окрем выміненых горі статій, в найновшым номері часопису Стоваришыня Лемків «Бесіда» найдете допис проф. Олены Дуць-Файфер про приближаючу ся рекрутацию на лемківску філолоґію, ведену Педаґоґічным Університетом в Кракові. Дале находит ся продолжыня драмы будителя Русинів Александра Духновича пн. Добродійніст горує над богатством. То уж послідня част печатана на сторонах «Бесіды». Выдавнича поличка приносит нам передрук з ґазеты Народны Новинкы. Є то допис пн. По 20 роках кодіфікації русиньского языка вышла цїнна моноґрафія Ґраматіка русиньского языка, підписаний за Інститут русиньского языка і культуры Пряшівского Університету через Доц. ПгДр. Васлия Ябура, к.ф.н., доц. ПгДр. Анну Плішкову, ПгД., та ПгДр. Кветославу Копорову, ПгД. В тым місци можеме прочытати слова шефредактора «Бесіды» – Петра Трохановского, котрий пише про проблемы новой версиі кодифікациі і неприниманя єй через декотрых Русинів з Пряшівщыны, што видно м.ін. в правописі тыжденника Русиньской Оброды на Словациі, ґазеті «ІнфоРусин».
Двомісячник «Бесіда» то часопис Головного Заряду Стоваришыня Лемків, выходит од 1989 рока, посвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.
АВТОР: Севериян Косовскій
ДАТА: 01.06.2016
Najnowsze komentarze