АНСАМБЛЬ ПІСНІ І ТАНЦЯ ЛАСТІВОЧКА
Ластівочку основано в 2000 році в Пшемкові. Є она заєдно розвиваючым і зміняючым ся лемківскым ансамбльом. Початком група кілкох лем осіб ведена через Марґариту Гербут з помочом Адама Бочнєвича звала ся спроста Кружок. Хоц початкы были скромны, група розрастала ся з дня на ден. Члены ансамблю вчыли ся лем співу в пшемківскым молодіжным осередку.
Ансамбль, на запрошыня о. Ігоря Поповича, задебютувал выступом в місцевій правосавній церкви. В репертуарі были лемківскы коляды.
Днес ансамбль числит 42 членів і заєдно прибыват новых, головні учениів околичных шкіл (основных, ґімназияльных і середніх). Ластівочка співат лемківскій фолькльор опертий на ориґінальных текстах і мельодиях переказуваных через старшы поколіня. Одяг векшыном то тіж ориґінальны лемківскы ґорсеты, вышываны оплічата і запаскы. Дальшы елементы одягу вшыты сут подля старых взорів нашлідуючых лемівскы традициі.
Найважнійшом задачом ансамблю є продолжаня і оприлюднюваня давных лемківскых співів і звыків.
Najnowsze komentarze