Важна (!) справа про бывшых жытелів Баниці і іх потомных
Важна (!) справа про бывшых жытелів Баниці і іх потомных
Рейоновий Суд в Ґорлицях опубликувал 25. січня/януара 2018 р. важне оголошыня про бывшых жытелів Баниці (бл. Ізб) і іх потомных. Судове оголошыня є повязане з нерухомым маєтком (лісныма ділянками), правныма властителями якого перед 1947 роком были заселяючы тото село Лемкы.
Справа є пильна, прото што заінтересуваны мусят зголосити ся до ґорлицкого суду найпізнійше до 25. квітня/апріля 2018 р. і выказати своі права до лісных ділянок. Незголошыня своіх прав до реченой даты горозит тым, што суд ствердит засіджыня ділянок Державныма Лісами.
Надлісництво Лося пішло до Рейнового Суду в Ґорлицях з внеском ствердити власніст через засіджыня лісных ділянок находячых ся в обшыри села Баниця. Ведену справу найти мож під сиґнатуром I Ns 878/17.
В залученым долов писмі видны сут три ділянкы о цілковитій обшыри бл. 84 гектарів.
Просиме пошырювати інформацию серед Баничан і іх потомных, якы по 1947 році беззаконно стратили права до лісных ділянок в Баници, ґорлицкого повіту.
АВТОР: СЕВЕРИЯН КОСОВСКЫЙ
