Пятниця 5.08

19:00 Зложыня квітя
Зложыня квітя під таблицьом, котра є упамятніньом злочыну выгнаня 1947 рока

19:15 Розпочатя XXXVI Ватры
Розпочатя XXXVI Ватры. Офіцийне привитаня гостів през орґанізаторів і розпочатя XXXVI Лемківской Ватры на Чужыні – Михалів 2016.

19:30 ЛАСТІВОЧКА
Ластівочка была основана в 2000 році членами Кружка Стоваришыня Лемків в Пшемкові. На початку до ансамблю належало лем пару осіб, а в репертуарі находили ся лем лемківскы співанкы. Привязаня Лемків до свойой культуры і потреба єй підтримуваня, довели до того, же днес членами ансамблю є понад сорок люди в ріжных віковых групах- од основной школы по студентів. Головном задачом Ластівочкы є культивуваня і розповсюджаня лемківской культуры. Ансамбль має уж за собом участ во вельох фолькльористичных фестівалях в Европі. Ластівочка ділит ся на групы: вокальну, танцювальну і капелю. Окрем выіздів на фестівалі, Ластівочка є тіж ґаздом орґанізуваных рік-по-рік Стоваришыньом Лемків «Стріч Трьох Поколінь». Опіку над ансамбльом справує далі Кружок Стоваришыня Лемків в Пшемкові. Того рока ансамбль отримал цертифікат ЦІОФФ.

20:15 Вручыня нагороды Никыфора
Вручыня нагороды Никыфора

20.45 ТЕРОЧКА
Дітячий ансамбль ТЕРОЧКА діє при Стоваришыню Руска Бурса в Ґорлицях. Oснований в 2010 р. през Андрия і Галіну Малецкых. Діти і молодіж приходят до Руской Бурсы, вчат ся лемківскых пісні (народных і авторскых), языка, культуры. Ведены занятя мают елементы наукы співу, рытмікы, танця, плястыкы, розвивают креатывніст і выображыня. Тоты стрічы служат тіж інтеґрациі. Aнсамбль концертувал м.ін. на Лемківскій Ватрі в Михалові, на імпрезі „Од Русаль до Яна” в Зындранові, на Бєналях в Креници, Катовицях, Театрі Словацкого в Кракові і інчых. Головні єднак украшат імпрезы Руской Бурсы, котра по вельох роках перервы зас звучыт лемківскых діти.Керівник артистичний 2010-2011 вересень Андрій Маелцкій Керівник артистичний 2011 вересень – 2012 Сусанна Яра Керівник артистичний 2013 Славомир Трохановскій

21.15 RE-Karpaty Project
RЕ-Karpaty то новий проєкт оснований в марци того рока в Нисі на Чужыні, в середовиску студентів Інституту Джезу. Інсірациями музыків, сут красны, традицийны мелодиі з обшыри Карпат, котры в получыню з альтернативныма гармоніями та рытмом дают в ефекті свіжу, етно-джазову мішанку/ Ансамбль має уж на єден успіх: І місце в конкурсі ATA 2016 (Анекс Артистычной Творчости) в Намислові.

22.00 Ромба
Перез припадкову стрічу кльезмерскыx і балканьскыx музыкантів на празкій ульиці в вересни 2011 рока оснувана остала капела „Ромба”. По ромско-балканьскыx початкаx перез музыку Морав і Словациі репертуар капелі повекшал ся штораз барже о словяньску музыку. В виконаню „Ромбы” прозвучат тіж польскы, росийскы, украіньскы, ци русиньскы співанкы. З часом репертуар капелі ся кус мінял і штораз веце мож было почути чардашовыx ритмів і танґа, котры сут винятково любены членами ансамблю.

23.00 Грдза
Ансамбль Грдза был оснований в 1999 році з ініциятывы Славомира Ґібарті і Ярославы Сисаковой в центрі Пряшівской Руси – Пряшові. «Грдза» перетворює середньоевропейскій фольклор до модерного виду, котрий мож называти як фольк, worldbeat, ethnic fusion, world fusion, або – барз загальні – world music. Файны вокалі і ефектовны мелодиі выкликуют захопліня каждой публикы. На Лемківскій Ватрі в Михалові ґрупа запрезентує новий проґрам з шумном співачком Сусанном Яром, котрий находит в собі іх властны аранжациі, як тіж пару традицийных в словацкым, русиньскым, польскым, украіньскым та росийскым языках. Ансамбль рыхтує печатати специяльний альбом лем по русиньскы. На іх тогорічным кружку «Hrdzava osemnástka», найдете 18 співанок, заграных вєдно з інчыма музыками, котрий взяли участ гостинні в проєкті. На самій платни находит ся і єден твір по русиньскы.

24.00 ДЕМАЙ
Демай – давнійше Аксель – єден з першых лемківскых весільных і забавовых ансамблів. Был оснований через Генрика Демая в 1990 році. Члены групы незмінні од 25 років творят новы аранжациі для традицийных лемківскых піснен. В аснамблю од шестьох років выступуют: Генрик Демай: спів, акордеон, Катерина Демай: спів, Гриц Соколовскій: спів, ґітара.

Cубота 6.08

14.30 Барвінок
Ансамбль Пісні і Танця Барвінок был оснований в 1952 році в селі Камюнка на Пряшівскій Руси. Група рахує 52 особы, в котрой склад входят групы вокальна: жіноча і мужска; танцювальна, та капеля. Головном цілю діяня Ансамблю є промоция і культивуваня русиньской культуры через спів і танці. Члены то люде молоды, головні зо села Камюнка, але і околиц, для котрых переказуваня традициі іх предків є важном частином іх жытя.

15.15 Kyczerka / Lastiwczata
Лемківскій Ансамбль Пісьні і Танця Кычера был оснований в 1991 році в Ліґници через Юрия Стариньского. Члены ансамблю то молодіж головні з Нижнього Шлезка. Кычера через пару каденций была членом ЦІОФФ. В рамках проґраму презентуваного ансамбльом находят ся танці і співанкы з цілой обшыри Лемковины, Пряшівской Руси та Підкарпатской Руси. В репертуарі Кычеры мож найти стилізуваны лемківскы танці і обряды. Великій труд вложений в опрацуваня репертуару і высокій рівен реалізуваных Кычером задач потверджают чысленны нагороды якыма ансамбль был гоноруваний на просторі вшыткых років свойой діяльности.

15.45 Выступы діти
Спів і рецитация

17.00 Перерва
Перерва в проґрамі головной сцены

18.00 РозтокаФайна Ферайна
Є то ґрупа, кота являт ся єдином днес фунґуючом на териториі любіньского повіту, котра презентує фольклор з рідной Лемковины. Ансамбль чыслит 22 співаків (головні жены) та 4-особову капелю. Артисты, окрем знаных лемківскых пісен, мают в репертуарі творы з украіньского, словацкого і польского фольклору. Стараньом Центру Культуры в Рудній, ансамбль купил в 2011 році традицийны лемківскы кроі, в котрых презентує ся не лем на лемківскых подіях. Ведучым Розтокы є Владимір Зорило.

18:45 Барвінок
Ансамбль Пісні і Танця Барвінок был оснований в 1952 році в селі Камюнка на Пряшівскій Руси. Група рахує 52 особы, в котрой склад входят групы вокальна: жіноча і мужска; танцювальна, та капеля. Головном цілю діяня Ансамблю є промоция і культивуваня русиньской культуры через спів і танці. Члены то люде молоды, головні зо села Камюнка, але і околиц, для котрых переказуваня традициі іх предків є важном частином іх жытя.

19.30 Літаючий диван
Самы про себе бесідуют: «Жеґлюєме басньовым шыфом поезиі понад захмареным океаном днешнього світа. Маме дяку взяти Вас на прогульку, одорвати на момент од штоденности. На літаючым дивані найде ся місце для каждого, xто єст в силі повірити в басні, достеречы одраз тото, што одраз достеречы не мож». Стары і молоды, xлопы і бабы, вшыткы захоплены спільном пасийом граня і співаня.Ріжнорідніст – то іx сила.

20.10 Файна Ферайна
Файна Ферайна то парунадцет особова група молодыx люди з Вєxліц граючыx фолькову музыку. Глядаючы музычныx інспіраций ансамбль користат з польской і лемківской народной музыкы. Файна Ферайна успішні презентувала ся на загальнопольскым і медженародным рівни м.ін. двараз перемогла на Медженародным Фестівалю Коляд і Пасторалок в Бендзіні, І місце на Загальнополскым Фестівалю Еколоґічной Співанкы в Ліґніци і на Загальнополскым Фестівалю зо Співанком Жеґларском і Туристычном в Жаґаню. Ансамбль репрезентувал державу на Польско-Німецкыx Торгаx Молодіжниx ЮНҐ ЛІВЕ в Франкфурті над Одром і брал участ в обоxодаx 60 річниці Акциі «Вісла» в Кыйові. Ансамбль є тіж помислодавцьом і орґанізатором соспільно-культурныx подій в реґіоні

21.00 КЫЧЕРА
Лемківскій Ансамбль Пісьні і Танця „Кычера” был оснований в 1991році в Ліґници перез Юрка Стариньского. Члены ансамблю то молодіж головні з Дольного Шлезка. Кычера то єдиний ансамбль посеред тых, котры репрезентуют етнічны меншыны в Польщи, якій є членом CIOFF. В рамках програмы презентуваной перез ансамбль находят ся танці і сьпіванкы з цілой обшыри Лемковины, Пряшівской Руси і Закарпатя. В репертуарі Кычеры мож найти стилізуваны лемківскы танці і обряды. Великій труд вложений в опрацуваня репертуару і высокій рівен реалізуваных перез Кычеру задач потверджают чысленны нагороды якыма ансамбль был гоноруваний на просторі вшыткых років свойой діяльности.

22.00 Lemko bluegrass band
Ансамбль Lemko Bluegrass Band то група, яка одкликує ся до істориі еміґрантів з Галичыны, котры в минулим столітю плынули за велику млаку глядати ліпшого жытя. Серед галицкых вандрівників находили ся тіж Русины з Лемковины, што переложыло ся на репертуар групы. ЛББ презентує выміну – варияцию карпатской музыкы з музыком Америкы – кантри. В своім проґрамі мают пару лемківскых пісен, котры переробили во власных ориґінальных аранжациях.

23.00 Крамбабуля
Крамбабуля то фольково-роковий ансамбль з Познаня, котрий был онсований в 2014 році з ініциятывы Петра Чухты, акордеоністы та лідера групы. Сопоставліня культуровой ріжнородности членів ансамблю, створило енерґентичну мішанку славяньской музыкы, з мішанком рока, реґе і фанки. Тексты співаных творів сут презентуваны в лемківскым, украіньскым та польскым языках.

24.00 Водограй
Ансамбль Водограй был оснований в 1975 році в Любіні. Протягом 40 років через музыку плекал традицию та культуры Лемків. Ансамбль выконує розрывкову музыку, котра є оперта на лемківскым та украіньскым фольклорах, в аранжациях надаючых ім модерного стилю. Музыка є рытмічна, мельодийна, в сам раз ґу доброму гуляню.
Bеце