Новорічна стріча Головного Заряду Стоваришыня Лемків

16.01.2025 рока одбыла ся перша в Новым 2025 Році стріча Головного Заряду Стоваришыня Лемків. Присутны дебатували і рішали о будучных діянях в 2025 році, в звязку з оголошыньом результатів конкурсів оферт на меншынову діяльніст орґанізуваных Міністерством Внутрішных Справ і Адміністарциі.

Згідньо з результатами Стоваришыня Лемків має реализувати задачы:
1. Підметова Діяльніст Стоваришыня Лемків в 2025 році
2. в рамказ циклю Лемківскы Культуральны Подіі 2025:
– 45 Лемківска Ватра на Чужыні
– 31 Стрічы з Лемківском Культуром в Ґожові Великопольскым
– 33 Лемквіска Творча Осін
– 18 Стрічы Трьох Поколінь з Лемкіском Культуром

3. в рамках задачы Бібліотека Бесіды – Часописма
– Часопис Бесіда
– Лемківскій Річник 2025

4. в рамках Діяльности лемківскых артистычных ансамблів
– Діяльніст Лемківского Ансамблю Пісні і Танця Ластівочка і Дітячого Ансамблю Ластівчата

5. Наша Світлиця

Не отримали сме дотаций на задачы:
1. Бібліотека Бесіды – Публикациі
2. Бібліотека Бесіды – Авдіотека

Проєкты тоты мали быти новыма, інновацийныма проєктами, якы, на жаль, мусиме одложыти в часі.

В текучым році Стоваришыня Лемків плянує 4 культуральны подіі, 6 примірників Бесіды, 1 номер Лемківского Річника, а тіж коцертуваня і розвиток Лемківского Ансамблю Пісні і Танця Ластівочка і Дітячого Ансамблю Ластівчата і Нашой Світлици.

Першом подійом, на яку Вас просиме, то 45 Лемківска Ватра на Чужыні. Головный Заряд Стоваришыня Лемків принял, же наше свято перейде в вікенд – 8-9 серпня 2025 рока.

Скорше, бо 5-8 червця члены Стоваришыня Лемків возмут участ в 18. Світовым Конґресі Русинів, што одбуде ся в Букарешті в Румуніі. Наша орґанізация є членом-основательом того тіла, якє єднат єден нарід з ріжных держав того світа.

Маме надію, же в текучым році будете барз рады з діянь Стоваришыня Лемків. Презерайте нашу інтернетову сторону, фанпейджы в соспільных медиях та чытайте Бесіду!

ГЗ СЛ