Opis
(c) Wszelkie prawa zastrzeżone. Prosimy nie umieszczać kopi czasopisma na żadnej stronie internetowej nie należącej do wydawcy.
Часопис Головного Заряду Стоваришыня Лемків выходит од 1989 рока посвячений збережыню істориі, культуры і языка Лемків інформуючий о жытю нашой і братніх нам соспільности плекаючий вірні надіі прадідів і вітців. В Бесіді почуєш смак рідного слова, такого, як передати го треба твоім дітям і внукам. Буд спілучастником і спілтворцьом Бесіды, бесідуй з Бесідом Бесідуй, рад, гвар, повідай!
Товды ЛЕМ будеш собом. І шанувати Тя будут Люде.
В номері 5 з 2022р медже інчым:
Žatkoviča inšpirovala Pittsburská dohoda, kontaktoval Masaryka a sondoval u neho možnosť včleniť do vznikajúceho štátu aj Podkarpatsko. Neskorší prezident si takúto možnosť vedel predstaviť. Koncom roku 1918 zástupcovia Rusínov v USA v plebiscite rozhodli o pripojení k Československu. Tento variant získal podporu takmer 70 percent hlasov.
Jozef Majchrák, Ako sme k Podkarpatsku prišli a potom ho stratili, стор. 6
Начальным вызначником приналежности даного выданя до надбань даякого народу, етнічной групы (звийме як хочеме, то меньше важне), є госнуваня через тото же выданя власного языка. Призрийме ся на віньєту часопису «Ватра», прочытайме:
Спеціальне видання Об’єднання лемків у Польщ(і). Повісте – то лем віньєта. Гей, але то і лем прелюдия.
Петро Троцгановскій, Примір перфідной маніпуляциі, с. 10
42. Лемківска Ватра на Чужыні была єдном з тых подій, де Стоваришыня Лемків упамятняло в 2022 р.
75. річницю насильной депортациі Лемків. Хоц може не єст то так округла річниця, як «пятдесятка», «шістдесятка» ци «сімдесятка» то – на жаль – то уж єдна з остатніх такых річниц, де можеме стрітити ся іщы з тыма, што не лем вродили ся дома, але і тоту хыжу памятают, бо по ній літали, бо з єй пеца іли, бо з загорідкы, што попри ній была, зберали, што земля вродила.
Севериян Косовскій, $2. Лемківска Ватра на Чужыні з огньом принесеным з Лемковины, стор. 13
Дотепер вязнены в Явожні не дождали ся вызнаня іх жертвами сталіновскых репресий. Не дочекали ся права до ревізиі выроків – тых, якы были выданы Войсковым Рейоновым Судом в Кракові, а то 550 вязнів Явожна. Они не дождали ся наданя ім прав, якы прислугуют Полякам, прав, якы надає ся польскым громадянам – вязням такых самых комуністичных, сталіновскых концтаборів, што означат, же позбавлено іх не лем ромадяньскых прав (…).
Євген Місіло – Редакция ЛЕМ.фм, інтервю, стор. 17
Коли рыхтувано до выданя скороченый словник, якій вышол друком в 2004 році в Івано-Франківску в выдавництві «Сіверсія М В», слова, котры трафили до рукопису з выжше вычисленых книжок, было вылучено.
Вылучыли і такы слова, якы гейбы не ріжнят ся од подібных ім в украіньскій мові (хоц они такой часто ріжнят ся – вымовом і наголосом), а і пожычены з інчых мов, наприклад, вшелыякы науковы і технічны терміны.
Анна Кырпан, Слово о словнику, стор. 21
——————————————
На передній стороні окладинкы: Лемковина пахняча осіню, фото Пeтро Басалыґа
На задній стороні: Церков Покровы Пресвятой Богородиці в Команчы, фото Пeтро Басалыґа
